Дунд, ахлах анги

Гурван тамир сургууль нь 6, 7, 8-р ангиудад Монгол улсын ерөнхий боловсролын хөтөлбөр, стандартыг Кэмбрижийн олон улсын дунд боловсролын хөтөлбөртэй хослуулан сургалтыг Монгол Англи хэл дээр явуулна.

Кэмбрижийн олон улсын дунд боловсролын хөтөлбөр нь олон улсад хүлээн зөвшөөрөгдсөн, хүүхдийн эзэмших үндсэн чадваруудад анхаардаг эх хэл дээр хослуулан хэрэгжүүлэх боломжтой хөтөлбөр юм.

Үндэсний хөтөлбөрийн хичээлүүд: Монгол хэл, Үндэсний бичиг, Уран зохиол, Иргэний ёс зүйн боловсрол, Газарзүй, Түүх, Нийгэм судлал, Дүрслэх урлаг, Хөгжим, Зурагзүй, Технологи, Биеийн Тамир, Эрүүл мэнд

Олон улсын хөтөлбөрийн хичээлүүд: Англи хэл (English as a second language), Математик (Mathematics), Биологи (Biology), Хими (Chemistry), Физик (Physics), мэдээлэл зүй (ICT), Дэлхийн чиг хандлага (Global Perspectives),  Цахим орчны зохистой хэрэглээ (Digital Literacy), Cambridge Reading Adventure

Гадаад хэл: Хятад хэл

Хөгжүүлэх хичээлүүд: Бүжиг

10,11,12 дугаар ангийн сурагчид өөрсдийн хүсэл сонирхол, ирээдүйд эзэмших мэргэжил, хэрэгцээ шаардлагадаа нийцүүлэн үндэсний хөтөлбөрийн хажуугаар IELTS, SAT English, SAT Math шалгалтад бэлтгэх хөтөлбөрүүдийг судлах боломжтой.

Дунд, ахлах ангийн цагийн хуваарь

Манай сургууль нь 1 ээлжээр хичээллэдэг. Хөгжүүлэх сургалт болох дугуйлан, секцүүд нь хичээлийн бус цагаар орно. Хөнгөн зууш (15 мин), үдийн хоол (40 мин)-оос бусад тохиолдолд хичээлийн дундуур 5 минутын завсарлагатай.

Даваа гарагийн өглөө болон Баасан гарагт хичээл тарсны дараа бүх сурагчид цугларан төрийн дууллаа дуулан хүндэтгэл үзүүлнэ. Мөн энэ үеэр сурагчдад тухайн болон ирэх долоо хоногт болох үйл ажиллагааны талаар мэдээлэл хүргэнэ.